اذا كنت تبحث عن كيفية كتابة محتوي صح او كتابة مقال مناسب للـ seo ويكون محتوي للمواقع و مناسب لكل شروط وقواعد الـ SEO باذن الله اني افيدكم بهذا المقال .
فى البداية كلامي دا كله ما هو الا محاولة للإفادة وذلك اذا كنت تريد أن تكون ومنشئ محتوي محترف ويتصدر موقعك النتائج الاولي في محركات البحث وتكون مقالاتك محبوبة من الزوار , ومنها يكون لك زوار واعضاء لموقعك بسبب محتوي موقعك المفيد.
 |
أولا ما هو content creator ؟
ببساطه هو شخص يقوم بصناعة محتوي يستخدم في التسويق، بس دورة مش بيقف عند صناعة المحتوي بس دا لازم يتابع بعد كدا اخراج المحتوي للمستخدمين ويقيس مدي فاعلية المحتوي ونجاحه أو تقصيرة.
ببساطة يا أستاذي المحتوي اللى بتقرأة دا اسمه content وأنا اللي عملته اسمي creator وبعد ما بنشرة بتابع تعليقاتكم واشوف أنا اديت الغرض المطلوب ولا لاء.
ثانيا ما هي أشكال المحتوي؟
كتب - مقالات - فيديوهات - ملفات صوت - محتوي للجرافيك دزاينر- محتوي الايميل - message .
(نص - صوت - صورة -انفوجراف - فيديو)
ما الهدف من كتابة المحتوي؟
الهدف الأول هو الربح، طيب الربح هيجي ازاى .. من المستخدم هيجي اللى بيقرأ أو بيسمع أو بيشوف المحتوي بتاعي - يبقي الهدف الأسمي هو اني اكسب ثقة المستخدم
طيب هكسب ثقتة ازاى من حتة المحتوي، اديلة الـ value اللى هو عاوزها.
ندخل بقي فى صميم الموضوع وهو كتابة محتوي للمواقع مناسب لكل شروط وقواعد ال SEO ، سؤال مهم جدا الـ user عاوز اية وبيجى يقرأ محتوايا منين؟
اولا هو عاوز معلومات أو عاوز يشتري حاجة من الاخر بيدور على حاجة ناقصاه , ومن هنا نتطرق للفرق فى الاحتياج هل هو Want ولا Need وايه الفرق بينهم.
انا عندي صداع متكرر من أسبوع دا مثال حقيقي , اذا لازم اخد دواء فدا احتياج اسمه Need ضروري هاخد دواء علشان اعالج الصداع المستمر طيب في ادوية كتيرة للصداع زي باى الكوفان أو باندوا اكسترا انا هنا قدامى اختيار للحاجة بتاعتى دا اسمه want.
فهنا لو بكتب مقال هندسي اولا نقوم بتحديد المستخدم مين وعاوز اية ولو طفلا و شاب او عجوز ولو بنت أو امرأة حامل - طيب لو مهندس شاب مثلا او مهندس خبير يعمل اية وابدأ أحط الاحتمالات كلها وفى كل حاله لها محتوي خاص بها.
اقرا ايضا : ارشفة موقعك SEO وتصدر الصفحات الاولي لمحركات البحث 2019
مصادر الزوار لموقعك
- - عن طريق السوشيل ميديا
- - عن طريق محركات البحث (جوجل)
فى انواع تانية كتيرة بس نركز مع السوشيال ميديا ومحرك البحث جوجل في البداية .
كل واحد من دول له ثقافة مختلفة مثلا زائر السوشيل ميديا واخد على انه بيسكرول بسرعة فمش بيقرأ كتير، على عكس اللى جاي من جوجل بيقعد وقت أطول ويقرأ أكتر.
مثلا فى ناس بتقرأ دلوقتي صبرها نفذ لانهم مش واخدين على القراءة لمحتوي طويل اصبر يا معلم
أنت كـكاتب محتوي فى تحدي صعب انك تقنع الزائر بتاع السوشيل انه يقعد يقرأ وفي حلول كتيرة جدا ل دا هديك واحد منهم وهو بالفعل موجود ف البوست اطلع لاول البوست واقرأ الفقرة الاولي
ما المحتوي الذي يبحث عنه الزائر؟
في البداية نتطرق الي افضل انواع المحتوي والتي بيحبها الزائر ويبحث عنها كثيرا ويقوم بالتفاعل معها
ما هو أفضل نوع محتوي الزائر بيتفاعل معاه ؟
- نيتش البيزنس والمال : بيحبوا المقال وبه انفوجراف
- نيتش الأكل والصحة والمنوعات : المحتوي اللي بيبدأ ب How To - كيفية - كيف - طريقة عمل
- نيتش التعليم : المحتوي الطويل وبه فيديو
- نيتش العقارات : مقال قصير وبه فيديو
- نيتش السياحة : محتوي طويل مع صور
- نيتش الفاشون: صور صور صور ومحتوي قصير
وبشكل عام أفضل محتوي بيتم التفاعل معاه
- الانفوجراف
- المحتوي الطويل +1000 كلمة
- المحتوي اللى بيبدأ عنوانه بسؤال How to
لو ما أقنعتش الشخص اللى بيقرأ أو بيشوف أو بيسمع المحتوي بتاعك بالاجابة على أسالته أو بتزويدة بالمعلومات اللى محتاجه عمرة ما هيدخل موقعك تاني وهيقلل ترتيبك في محركات البحث ودا بيأثر علي مصداقية موقعك.
ولكن في البداية يجب ان تجب عن بعض الاسئلة لنجاح موقعك وهي
- هكتب في ايه ؟
- من جمهورك المستهدف ؟
- ما الذي يبحث عنه زائر موقعي ؟
- من أين ياتي الزائر لموقعي ؟
- ما الهدف من المقال ؟
- وأخيرا كيف توصل للزائر رسالتك؟